Hagstæðasti virkjanakosturinn

Sá ágæti útvarpsmaður Sigurður G. Tómasson hitti sennilega naglann á höfuðið þegar hann hélt því fram í Silfri Egils fyrr í dag að lokun álversins í Straumsvík væri líklega hagstæðasti virkjanakosturinn. Raforkuna sem losnaði við það væri hægt að selja á margföldu því verði sem Alcan greiðir fyrir hana í dag.

  

Menn horfa vitaskuld í það að við lokun álversins myndi fjöldi manna missa atvinnu og það vel launaða atvinnu. Nú er það svo að ég hef mjög takmarkaða trú á að Alcan grípi til þess úrræðis að loka álverinu þar sem það hefur á undanförnum árum skilað fyrirtækinu mjög góðum hagnaði, að mati sumra verið ein besta mjólkurkú fyrirtækisins.

Færi hins vegar svo að álverinu yrði lokað þá stöndum við frammi fyrir minna vandamáli en þegar herinn hvarf burt af landinu. Fjöldi manna stóð frammi fyrir atvinnumissi. Skipulega var tekið á því og í dag heyrir maður ekkert af því vandamáli. Til svipaðra aðgerða yrði eflaust gripið ef svo ólíklega vildi til að Alcan ákveddi að slátra bestu mjólkurkúnni sinni til að ná sér niðri á Hafnfirðingum ef þeir hafna stækkun.

Athugasemdir

[Gylfi Ingvarsson (IP-tala skráð) 19.2.2007 kl. 21:52]

Sæll Sigurður, EF umræða !!!!! er mjög vandmeðfarin,hvað verður er Hafnfirðingar segja nei?   hvað verður er Actavis ákveður að fara til annara landa með framleiðslu sína? hvað verður ef Marel ákveður að fara með framleiðslu sína til annar landa? hvað verður ef Össur fer með sína framleiðslu til annara landa? hvað verður ef útrásarbankarnir fara af landi brott?  Það er auðvelt fyrir menn að segja það er allt í lagi fyri þessa að missa vinnuna því það snertir ekki mig og mína, hvar er orðin þessi samhugur sem var erum við að týna öllu í þessu svokallaða góðæri. Væri ekki nær að berjast gegn þeim sem eytra fyrir æskunni, þeim sem koma fram af hroka og yfirgangi gegn öldurðum og sjúkum, eru atvinnutækifæri m.a. fyrir þá sem ekki eru háskólamenntaði einskins virði hvert erum við að stefna. Engeynni er búið að flagga út og engin segir neitt því að voru ekki háskólamentaðir starfsmenn sem misstu vinnuna. Hvað EF öll þessi fyrirtæki fara hvað þá? Athugaðu það að Alcan er ekki að hóta að loka heldur að fá tækifæri á að þróast og stækka og vera hér minnst næstu 50 ár Kveðja Gylfi Ingvarsson aðaltrúnaðarmaður starfsmanna Alcan