Blaut tuska í andlit fórnarlamba

„Það er erfitt að fullyrða hvort þessar stúlkur hefðu ekki orðið barnshafandi hvort eð var,“ sagði forsætisráðherra  í Silfri Egils í gær. Þetta er sami maður og sagði fyrir nokkru þegar rætt var um brottför hersins „maður nær ekki alltaf í sætustu stelpuna á ballinu og þá tekur maður bara þá næstu.“

Þetta er ótrúleg seinheppni í orðavali hjá Geir H. Haarde og lýsir skelfilegu karlrembuhugarfari því ráðherrann hafði rétt áður sagt það sorglegt að ungar stúlkur hefðu verið misnotaðar í Byrginu og þær ættu rétt á allri þeirri aðstoð og aðhlynningu sem hægt væri að veita þeim og börnum þeirra. Með þessari einu setningu gleymdist allur fagurgalinn á undan. Þetta var blaut tuska í andlit fórnarlambanna.

Athugasemdir

[Katrín Snæhólm Baldursdóttir, 12.2.2007 kl. 18:17]

Agalegt þegar hugsanirnar og viðhorfin sleppa óritskoðaðar út um munninn á sumu fólki og koma því í klemmu í embættum sínum...ha?

[Sigurður Þór Guðjónsson, 12.2.2007 kl. 20:06]

Þetta er næstum því of ótrúlegt til að hægt sé að trúa því.  En þetta sagði samt maðurinn.

[SM, 13.2.2007 kl. 07:36]

he said what???

[Birna Dis Vilbertsdóttir (IP-tala skráð) 13.2.2007 kl. 09:01]

Geir alltaf samur við sig