Engu gleymt

Sverrir Hermannsson hefur engu gleymt í listinni að senda frá sér eitraðar pillur til andstæðinga sinna. Í Fréttablaðinu í gær var lítil frétt um það að Sverrir sé enn meðlimur í Frjálslynda flokknum, þrátt fyrir að Margrét dóttir hans hafi sagt skilið við flokkinn. Hann segist vera í ábyrgð fyrir flokkinn og hann þurfi að ganga frá ýmsum málum áður en hann yfirgefur flokkinn. 

Fram kemur að Sverrir var endurkjörinn í fjármálaráð flokksins á ný afstöðnu landsþingi hans en hann hefur verið í fjármálaráðinu frá byrjun. Síðan kemur þessi eitraða sending:

 „...og ég var kosinn í það áfram. Það var vegna þess að það fannst enginn í nýju fylkingunni með nógu gott sakavottorð til þess að fara þar inn.“

Athugasemdir

[Hrafn Jökulsson, 1.2.2007 kl. 09:23]

Það er bara einn Sverrir Hermannsson!

[Sigurður Þórðarson, 1.2.2007 kl. 09:42]

Ég tek undir það að hann er einstakur í sinni röð enda á hann marga dygga stuðningsmenn, sem sést á því að hann hlaut næst flest atkvæði í fjármálaráðið alls 304 sem er mjög mikið miðað við mikla dreifingu atkvæða.